Auteur : Ronald Jn-Georges
Titre : douvan dèyè
Couverture : Sergine André (Rara Major, 2021, 100×100, huile sur toile)
Collection : Poésie
Date de parution : 26 juin 2022
ISBN : 978-99970-71-25-5
Prix : USD 11.95
Pwezi Ronald Jn-Georges la pa gen pòt antre. Douvan kou dèyè, tout wout yo mennen yon sèl kote : nan wonn kè powèm lan. Pawòl yo chaje enèji ak kontras. Powèt la pa pase wout dekoupe pou l chante rèv ak dezespwa, mizè ak lanmou, lanmò ak anvi viv. Li jwe ak mo yo tankou van karese ke sèvolan lasemenn sent pou pote yon mesaj kap bay lavi sans. Tout doulè l, sansibilite l, enkyetid ak anvi l travèse vè yo. Menm si powèm yo pa fèt ak menm mo, men yo pale youn ak lòt pou yo di yon sèl pawòl: nan lanmou lavi ka bèl.
Douvan dèyè s on rekey chaje nanm, chaje foli, lanmou ak rèv pou fè lavi re-fleri tout kote lespwa sispann pouse.
À propos de l’auteur
Ronald Jn-Georges fèt Pòtoprens. Li etidye literati Lekòl Nòmal Siperyè ak Université des Antilles et de la Guyane e li fè yon metriz nan Université de Rouen. Powèt, mizisyen, gitaris, konpozitè, chantè, li adapte an kreyòl tèks mizik anpil chantè tankou Georges Brassens, Charles Aznavour, Jean Ferrat, Boris Vian, Francis Cabrel, Louis Amstrong elatriye. Li chante tou tèks ekriven ayisyen pami yo Évelyne Trouillot, Kermonde Loveli Fifi, Bonel Auguste, Inéma Jeudi, Georges Castera, Lyonel Trouillot, Jacques Pelletier. Pwofesè literati, Ronald Jn-Georges se kreyolis epi manm Atelier Jeudi Soir. Douvan dèyè se premye rekèy powèm li.